Astros pendendo

sinto como a noite que chega
astros pendendo
no berce cativo do vello
ou do neno

a rilla-los beizos
o lombo quedo
cómo chegou a noite
chegou o medo
astros a pender
fendendo testas e berros
todo é verde
éche a costa do crego
que xa non para de dicer
que deus morreu, oes,
quedaron cegos

e por riba
(e por abaixo, alomenos)
astros a pender da noite
que nos fixeron